-->

أخر المقالات

افضل قصائد الشاعر نبيل عبد الحميد

نقدم لكم في هذا المقال أفضل قصائد الشاعر المبدع نبيل عبد الحميد (متجددة بـ أستمرار) 1 - كان اخر باب لـ الشاعر نبيل عبد الحميد ساب المُنشار دق المسمار بَص على زبُونُه متردد ينطق أو يسكُت محتار .. - أؤمُر = شُكراً - ترابيزة / دولاب ؟ = لا أبداً .. أنا عايز باب .. جربت كتير أبواب لكن ولا واحد كان نافع بيننا .. وإن جِه مظبوط لازم برضُه في الآخر يطلع فيه سِنّة .. لو كنا واربنا الباب يمكن كان يفضل م الهوا سرسوب .. كان ممكن أتوب .. كان ممكن يبقى المكتوب إن إحنا نحافظ على بابنا .. كان ممكن نتعب ونكمّل وهنوصل على أد تعبنا .. سرسوب الهوا قَفَلُه وسابنا إتنين ومابينهم باب مقفول .. أنا يعني بقول .. لو ينفع أجرّب باب تاني يفتح على كل اللي ما بيننا لو حتى هيطلع فيه سِنّة وانا هقفل وافتح بحساب! - كان نِفسي أساعدك صدقني أنا آسف، كان آخر باب ... 2 - رغم أنك ل الشاعر نبيل عبد الحميد رغم إنك هُوّه هُوّه  في الطبيعة والملامح .. إلا إن الصُورة جايبة إختلافكوا بشكل واضح .. هو خَد دور المسامح رغم إنه مش كريم .. إنت شر بشكل فاضح رغم إن إنت الحليم .. إللي بينكوا كان ...

قصة لوحة مذبحة سان بارتيليمي

قصة لوحة مذبحة سان بارتيليمي في سنة 1572م أصدر ملك فرنسا تشارل التاسع أمراً بقتل كل شخص بيعتنق المذهب المسيحي البروتستانتي في فرنسا، عشان يبدأ الناس بعدها الناس بذبحهم في شوارع باريس، يعني كان أي حد يقابل شخص بروتستانتي يدبحه عادي في الشارع، اقرا أيضاً :  تماثيل الأحصنة في تكساس اتقتل في الحدث ده حوالي 30 ألف بروتستانتي فرنسي على يد السلطات الكاثوليكية، والناس العوام، وكانوا بيقتلوهم بأبشع طريقة يمكن للإنسان ان يموت بها، لدرجة أنهم كانوا بيجيبوا النساء الحوامل ويشقون بطونهم ويستخرجون الأجنة ويضربون رؤسهم بعرض الحائط حتى تنفجر،وطبعا عدوى القتل انتقلت لباقي المدن و القرى الفرنسية، اقرا أيضاً :  تماثيل المارة المجهولون في بولندا بعد المجزرة بأسبوع واحد تم صدك صك عملة نقدية عليها صورته ومرسوم عليها سياف يقطع رأس ومكتوب تحتها قُتل الخوارج، وده كان نوع من انواع التقدير لإنجازاته للمذهب الكاثوليكي لزيارة صفحة كاتب المقال علي فيس بوك أضغط هنا

معلومات مخيفة عن ذبابة deer fly المرعبة

شوفت الرعب في عالم الحشرات ؟ و السمك ؟ نرجع لعالم البشر ؟ بس مش أوي بردو ... الذبابه الي في المقال دي إسمها deer fly و دي ذبابه موجوده بكثرة و مسكنها الأساسي أفريقيا و الهند ... الذبابه دي بقي مشهوره بإنها بتمص دم البشر و الحيوانات ... لكن للأسف مش ده بس الي بتعمله ..  الذبابه دي وهي بتمص الدم .. بتسمح بدخول دوده معينه إسمها loa loa .. اقرا أيضاً :  آسفة لكوني أنثى الدوده الحلوه دي لما بتدخل جسمك بتفضل تستكشفه و تتفسح فيه أكنه بيتها لغاية في يوم معين لما تبدأ تحس بوخز و شعور مزعج في عينك ... فتقوم و تدخل الحمام و تبص للمرايه علشان تحاول تفهم عينك مالها و تتفاجئ بمشهد من فيلم رعب .. في دوده جوه عينك بتتراقص و مش هاممها حد .. اقرا أيضاً :  سمكة شمس المحيط أو المولا مولا اعراض ذبابة Deer Fly أعراضها بقي بتتراوح ما بين الوخز و الالم و الإرهاق و أحيانا مضاعفاتها بتسبب الموت .. و المره دي مش هقولك تخيل إنها بتصيب البشر .. لزيارة صفحة كاتب المقال علي فيس بوك أضغط هنا

أسوأ الأمهات على الإطلاق

المقال +18 لانه يحتوي علي أشياء قد تؤذي البعض نفسياً .. بمناسبة يوم الأم لازم نعترف ان زي ما فيه امهات يستحقوا التكريم يوجد أمهات يستحقوا اشد العقوبات، فخلينا ناخد فكرة عن :   بعض أسوأ الأمهات على الإطلاق  -الصينية " Ka Yang" قامت بوضع ابنتها اللي عمرها شهرين في المايكرويف لحد ما اعضائها الداخلية اتحرقت وماتت.. بعدها وقالت للبوليس انها تُعاني من نوبات عصبية وبسبب ازعاج إبنتها اضطرت تعمل كده وهي مش حاسة بسبب صراخ الطفلة المُتواصل بس المحكمة لم تصدقها واتحكم عليها بالسجن مدى الحياة.. اقرا أيضاً :   الشيخ عامر قصة رعب قصيرة -الامريكية " Tiffany Alnert" ابنها جاله مرض السرطان ونقلوه للمستشفى للعلاج الكيميائي وبعد يومين اكتشفوا انه مصاب بعدوى هتمنعه من تكملة علاج السرطان لحد ما يعالجوه منها وبعد اسبوع كاميرات المستشفى ألتقطوا "تيفاني" والدته بتحقن سائل في كيس سوائل التغزية الموصولة بجسمه ولما سألوها قالت انها مياه بغرض انها تنظف دمه، وبعد تفتيشها وجدوا أكياس من البول كانت بتحقنه بيه وده ادى لتأخير علاج السرطان لأسابيع مما ادى لإنتشار المرض، وانه ك...

الصديق أول الخلفاء بقلم عبد الرحمن الشرقاوي

الصديق أول الخلفاء بقلم عبد الرحمن الشرقاوي وشرد ابو بكر فيما يحدث في الشام مع الروم... وفي خطب عياض مع الفرس منذ حاصر دومة الجندل... والتفت الصديق الي أصحابه يشاورهم في أمر فارس والروم.. ايبعث خالد مددا لأبي عبيدة؟ أيرسل مددا آخر للمثني؟ ومددا لعياض بن غنم يؤازره في حصاره دومة الجندل؟!... وقبل أن يقولوا آراءهم قال (( إني أشير عليكم.. وإنما أنا رجل منكم.. تنظرون فيما أشرت به عليكم.. وفيما اشرتم به على... فنجتمع على أرشد ذلك!))... اقرا أيضاً :  الخليفة السفاح : قصة الثورة فاجمعوا أمرهم على أن يبعث الوليد بن عقبة على رأس جيش كبير مددا لعياض بدومة الجندل فلما أقبل الوليد وعياض.. قال الوليد (( الرأي في بعض الحالات خير من جند كثيف... ابعث إلى خالد فاستعده!)) وطرب عياض للفكرة!... حقا... لماذا لم يفكر في خالد يستغيثه.. فخالد ذو راي في الحرب سديد.. وهو ينتصر في كل حروبة بالذكاء.. وحسن الحيلة.. وبالراي الرشيد..بقدر ما ينتصر بشجاعته وجسارته وشدة قوته... فكتب عياض يستغيث خالد.. فوثب خالد فرحا لما بلغه كتاب عياض.. {{فما من شئ يستثير المشاعر مثل دوي طبول الجهاد.. وانعكاس الشم...

خروجة حلوة بعشرين جنيه في شارع الغوريه في القاهرة

خروجة حلوة بعشرين جنيه في شارع الغوريه في القاهرة امبارح محمد سلامة خدنا السيدة عائشة بعشرين جنيه والنهاردة قررنا ناخدكم مكان تاني في القاهرة  لزيارة مقال خروجة حلوة بعشرين جنيه في السيدة عائشة القاهرة أضغط هنا يلا نرجع لتفاصيل الخروجة :  في البداية نركب المترو وتقطع تذكره لحد العتبه بخمسه جنيه وتنزل محطه العتبه تركب العربيات الفان اللي بتقول ازهر حسين وتتطلع تقوله عاوز انزل الغوريه ..بس وننزل عند   شارع الغوريه   اقرا أيضاً :  خروجة حلوة بعشرين جنيه وتبدأ من هنا الخروجه نتفق بقي هنا اتفاق احنا نازلين نتفسح مش هنشترى هدوم ومفروشات وكاسات وكوبايات خااالص ملناش دعوه بالمحلات اللي في الشارع علشان ده محتاجه مليون عشرين جنيه وجهاز العروسين ليه بقي ايام لوحدها كده اول حاجه هتقابلنا مجموعة الغورى مسجد الغورى علي يمينا نطلع بقي ونستمتع بقي بجمال وروعه التطريز .. اقصد الطراز الاسلامي من مقرنصات لرخام ملون لمحراب تحفه ومنبر رائع جدا وننزل هتلاقي وكاله الغورى علي الشمال لوحظك حلو وتكون مفتوحه نترحم بقي علي السلطان الغورى اللي مسك الحكم بالدموع يا عيني ...

مصحة ويفرلي هيلز النفسية وقصص حدثت فيها مع صور أشباح حقيقية

عايز تشوف صور أشباح ؟ ... بقدملك صور أشباح "حقيقيه"... "انا و مراتي سافرنا جورجيا علشان نقضي اجازتنا هناك في مكان حلو اسمه  OLD SORREL WEED HOUSE.....  كنا بالليل و كانت ليلة لطيفة و الناس الوحيدة الي في الجولة معانا كان زوجين اسمهم مارك و ليز ... الجولة استمرت لكام ساعة فخدنا فرصتنا في التعرف عليهم  بعدين عرفنا انهم من محبين استكشاف الاماكن المهجورة و المسكونة و تصوريها  كانوا في اماكن كتير و خدوا صور و فيديوهات و تسجيلات صوتية كتير ... فطبيعي سئلتهم لو هما فعلا شافوا حاجة .... و هنا ليز ردت عليا وقالت ان المكان الوحيد الي فعلا شافوا فيه حاجة كان مصحة ويفرلي هيلز النفسية ... عموما ويفلي هيلز كانت مصحة نفسية ضخمة .... اتبنت في اوئل القرن العشرين ..في كنتاكي .. اقرا أيضاً :  معلومات مخيفة عن ذبابة deer fly المكان فيها كان مزدحم بشكل كبير بالمرضي ... و قصص مرعبة كتير طلعت منها علي كيفية معاملة الدكاترة ليهم ...  حوالي 9000 شخص ماتوا في الفترة الي المستشفي اشتغلت فيها .... و كانوا قبل ما يدفنوا الجثث بيجموعها في قبو تحت المستشفي ... وهناك مار...

يوميات فني أشعة بقلم وائل عبد الرحيم

بمناسبة قرب صدور يوميات فني أشعة ورقي - اخر الشهر ده في معرض اسكندرية للكتاب ان شاء الله - قررت اهديكم حلقة جديدة لانج منشرتهاش قبل كده ومش موجودة في الكتاب كمان .. حلقة حصري ليكم وبس ..
تحميل كتاب يوميات فني أشعة مجاناً pdf

الحلقة عبارة عن عدة مواقف طريفة بس انا مش بطلها المرة دي .. المواقف دي ابطالها زمايلي .. يعني هما مالهومش نفس يبقوا ابطال حلقات ولا ايه :) ..
نبتدي على طول بقى ..
أقرا أيضاً : قصة طوفان نوح عند الاغريق

اول موقف من يوميات فني أشعة

اول موقف كان زميلي بيعمل اشعة مقطعية لعيان جاي في حادثة وفي غيبوبة .. المريض مكانش معاه غير بتوع الاسعاف اللي اول ما نقلوا المريض للترابيزة بتاعة الفحص خرجوا برة .. زميلي بيظبط المريض على الجهاز راح المريض فاق !!
المريض لما فاق لقى نفسه على ترابيزة زي السرير في مكان غريب وقدامه راجل بيعدله دماغه ..
المريض كده شكله كان ضارب حاجة تقريبا او الخبطة مش مخلياه مركز حبتين فراح قام قاعد وصارخ في زميلي : انت مين ياض وبتعمل ايه ؟؟!!
زميلي حاول يهديه وقاله: اهدى بس انا بعملك اشعة 
الراجل : اشعة ؟ اشعة مين ؟ قولي انت مين ياض بدل ما اشقك !
وراح نازل من على ترابيزة الفحص وقعد يبص حواليه على اي حاجة تنفع سلاح ضد التحرش فملقاش غير جردل المسح بتاع العمال .. راح جري وماسكه وهجم بيه على زميلي وهو بيقول: عليا النعمة اعورك.. انت مين ياض وكنت بتعمل فيا ايه..
زميلي شاف المنظر جري من قدامه والراجل يجري وراه بالجردل وده يجري منه لحد ما الاستقبال اتلم على صوت الزعيق وطلعوا زميلي من تحت ايد الراحل بالعافية .. بس الحمد لله من غير اصابات .. بس معرفش ليه الجردل كان متطبق ودماغ زميلي مورمة شوية ..
لكن ده مش اختصاصنا هنا على كل حال في يوميات فني اشعة 


ثاني موقف من يوميات فني أشعة

الموقف التاني كان حد من زمايلي وسط زحمة الاشعة المقطعية برضه .. الحالات كانت كتير اوي والخناقات على ودنه ..حد من المرافقين راح مزعق وقال لزميلي: عليا النعمة لو مدخلتش حالتي دلوقتي لاكسرلك ام الجهاز ده !!
زميلي كان من النوع الهادي والبارد جدا، راح باصص للراجل بمنتهى الهدوء وقاله : وماله .. الجهاز قدامك اهوه .. كسر براحتك .. بالنسبة ليا لما الجهاز يتكسر هاوقف شغل واقضي النوبتجية متدلع .. أما انتوا هاتتحولوا على مستشفيات تانية .. معاك حاجة تكسر بيها بقى ولا ابعت اجيبلك ؟! 
الراجل ارتج عليه - بالفصحى - وبصله بذهول ومنطقش بحرف بعدها لحد ما عمل اشعته في دوره ومشي

تالت موقف من يوميات فني أشعة

مرة تانية كان زميل ليا في المقطعية - الظاهر كل الحلقة مقطعية ولا ايه - .. زميلي ده كان عازب .. جات حالة - حسب كلام زميلي - ست كبيرة ومعاها بنتها شابة جميلة .. البنت عجبت زميلي اوي وكان حابب يجر معاها كلام بأي شكل .. يمكن ربنا يسهل ويبقى فيه نصيب وقسمة وكده :)
زميلي بطبعه خجول جدا ومالوش في شغل جر الكلام مع البنات وكده .. فملقاش طريقة يتكلم بيها مع البنت .. والفحص خلص والحالة خرجت وزميلي متضايق جدا ان الفرصة راحت منه ..
لكنه فوجئ بالبنت بعدها داخلة عليه الاوضة وبتبتسمله بعذوبة وهي بتقوله: لو سمحت يا استاذ .. انا عندي مشكلة في الجيوب الانفية وكان الدكتور طلب مني اشعة مقطعية .. ممكن حضرتك تعملهالي ؟ 
راح زميلي قايلها بكل حماس : لا حضرتك .. الاشعة دي تعمليها في العيادة الخارجية الصبح علشان الجهاز ده مخصص لحالات الطوارئ وبس وماينفعش اعمل عليه اي فحص مش طوارئ !!
البنت بصتله بخيبة امل وبعدين قالتله شكرا وراحت ماشية بينما زميلي ما زال بينعي حظه على انه مجاتلوش فرصة يجر كلام مع البنت دي وراحت منه عروسة محتملة ! 
بس معرفش ليه زعل مني لما حكالي الحكاية دي ولقاني بزعق في وشه وبقوله حرام عليك يا جدع .. هاتبقى انت والعيانين عليا !!!
اقرا أيضاً : افضل قصائد الشاعر نبيل عبد الحميد

رابع موقف من يوميات فني أشعة

الموقف ده انا بطله بقى .. اكيد يعني لازم يكون ليا بصمة في الحلقة برضه في الاشعة المقطعية ..
كنت شغال على الجهاز وجاتلي حالة مريض على ترولي في حادثة .. المريض مكانش معاه غير مرافق واحد مش عارف يشيله .. فصعب عليا وقولت اشيل معاه .. المريض كان جاي بالفانلة الداخلية .. معرفش هدومه اتقطعت في الحادثة ولا الاطباء اللي قلعوه علشان الكشف .. الله اعلم ..
المهم جيت اشيل مع الراجل ملقتش غير الفانلة امسك منها .. المريض كان تقيل فانا وانا برفعه لقيت الفانلة اتشدت وصوت كده يدل على ان فيه تمزق حصل فيها - عارفين صوت القماش وهو بيتقطع - ففوجئت بالراجل اللي مع المريض بيصرخ في وشي : حاسب الفانلة يا جدع انت.. هاتقطعها !!
بصتبه بذهول واتجمدت لثواني وبعدين روحت سايب العيان وراجع على الطرسي بتاعي وانا بقول : عندك حق .. الفانلة مهمة طبعا .. حضرتك لما تلاقي اللي ينقل معاك العيان من غير مايقطعله الفانلة - اللي واضح انها سينييه - ابقى اندهلي علشان اصوره !
صحيح خير تعمل شر تلقى

خامس موقف من يوميات فني أشعة

الموقف ده انا مش بطله ولا حد من زمايلي ..والمفاجأة انه اول موقف في تاريخ اليوميات مالوش علاقة لا بيا ولا بشغل الاشعة اصلا ..
بس هو موقف قريته على النت من زمان ومتعلق بشغل الفنيين وعجبتي وضحكني فقولت احكيهولكم تضحكوا معايا ..
كان فيه معمل تبع وحدة في الارياف .. المعمل ده محدود الامكانيات .. فكانت العينات بتتسحب فيه وتتبعت مع فني المعمل للمعمل الرئيسي في المركز علشان تتحلل وبعدين تيجي النتايج والمرضى يستلموها ..
في يوم فني المعمل كان شايل شنطة عينات الدم والبول والبراز ورايح على المركز يحللهم .. شنطة العينات شنطة سامسونايت فخمة وانيقة كده وجواها ادراج وجيوب علشان العينات .. 
كان الفني ماشي على الطريق الريفي رايح ناحية محطة الاتوبيس او الميكروباص او القطر مش فاكر ..
جماعة حرامية شافوه ماشي بشنطته الفخمة دي قالوا دي تلاقيها مليانة فلوس او حاجات غالية .. احنا نهجم عليه وناخدها منه ..
وعليها .. هجموا عليه وادوله علقة محترمة وخطفوا الشنطة وجريوا !
طبعا بعدها اكيد قعدوا يدوروا عليه علشان يدوله علقة تانية على اللي لقوه في الشنطة .

والى اللقاء في حلقات قادمة ويوميات فني اشعة
ملحوظة : الغلاف اللي في المقال ده هو الغلاف الرسمي للكتاب .. حصري ليكم برضه وقبل اي حتة تانية

لزيارة صفحة الكاتب وائل عبد الرحيم علي فيس بوك أضغط هنا

جديد قسم : مقالات

إرسال تعليق