مصحة ويفرلي هيلز النفسية وقصص حدثت فيها مع صور أشباح حقيقية

عايز تشوف صور أشباح ؟ ... بقدملك صور أشباح "حقيقيه"...

"انا و مراتي سافرنا جورجيا علشان نقضي اجازتنا هناك في مكان حلو اسمه 
OLD SORREL WEED HOUSE..... 
كنا بالليل و كانت ليلة لطيفة و الناس الوحيدة الي في الجولة معانا كان زوجين اسمهم مارك و ليز ... الجولة استمرت لكام ساعة فخدنا فرصتنا في التعرف عليهم 
بعدين عرفنا انهم من محبين استكشاف الاماكن المهجورة و المسكونة و تصوريها 
كانوا في اماكن كتير و خدوا صور و فيديوهات و تسجيلات صوتية كتير ...
فطبيعي سئلتهم لو هما فعلا شافوا حاجة .... و هنا ليز ردت عليا وقالت ان المكان الوحيد الي فعلا شافوا فيه حاجة كان مصحة ويفرلي هيلز النفسية ...
عموما ويفلي هيلز كانت مصحة نفسية ضخمة .... اتبنت في اوئل القرن العشرين ..في كنتاكي ..

اقرا أيضاً : معلومات مخيفة عن ذبابة deer fly

المكان فيها كان مزدحم بشكل كبير بالمرضي ... و قصص مرعبة كتير طلعت منها علي كيفية معاملة الدكاترة ليهم ...

 حوالي 9000 شخص ماتوا في الفترة الي المستشفي اشتغلت فيها .... و كانوا قبل ما يدفنوا الجثث بيجموعها في قبو تحت المستشفي ... وهناك مارك وليز راحوا يستكشفوه..
خدوا صور كتير هناك وقالولي ان علشان تشوف في الصور لازم علي الاقل يبقي في ضوء علشان يحصل انعكاس ليه و الكاميرا تقدر تشوف ... 
عالعموم بعد اسبوع لما رجعت البيت و فتحت البريد الالكتروني بتاعي ... ليز بعتتلي صورة ... و لما شوفتها كنت مذهول .... 
خدت صورة لطرقة مظلمة بالكامل و الضوء الوحيد مصدرة شباك في اخر الطرقة بيدخل ضوء القمر تقريبا و في خيال لشخصين واقفين قدامها ... 
الشخص الي علي اليمين زي ما يكون لابس بدلة المرضي النفسيين و ده طبيعي لان ده قبو المستشفي الي كانوا بيرموا فيه الجثث ... " ...

اقرا أيضاً : سمكة شمس المحيط أو المولا مولا

تعالي بقي أحكيلك عن المصحه دي شويه ...

المستشفي حاليا تعتبر مكان مشهور للزيارة من قبل السياح و صيادين الاشباح و محبين المغامرات و كل الزوار تقريبا اجمعوا علي كم حدث غريب بيحصل بشكل مستمر في زياراتهم للمستشفي ..
و الكام حدث دول عبارة عن ظهور شبح لطفل المعروف عنه انه كان طفل مريض اسمه تيمي و الي كان بيحب يلعب بالكورة في ممرات المستشفي و توفي بسبب مرضه...

و الحدث التاني هو سماع صراخ امرأة من الغرفة 502 في المستشفي و الي معروف عنها ان في ممرضة شنقت نفسها فيها و ممرضة تانية انتحرت عن طريق انهل ترمي نفسها من نافذة الغرفة...و ليها صوره بردو في البوست ...
و الحدث التالت انك طول ما انت ماشي في ممرات المستشفي بتسمع خطوات ماشية وراك و ابواب ببتقفل ...

اقرا أيضاً : وصية الملك رمسيس الثاني لـ أكبر أبنائه مرنبتاح

عالعموم سنة 2014 مجموعة من السياح كانوا بياخدوا جولة في المستشفي لما قرر واحد منهم ياخد صورة و بعد معالجة الصورة اتصدم من ظل الطفل الي ظاهر فيها .. مع العلم ان الجولات السياحية ده ممنوع اصطحاب اطفال فيها و بالتالي مكنش معاهم اي طفل ساعتها ....

بس تعالي نشوف سبب كون المصحه كده ...
المصحه اتبنت سنة 1910 و بسبب ان حصل وباء وقتها توفي في المستشفي حوالي 8 الاف مريض و اتقفلت سنة 1960....
و بعدين اتحولت لسكن ممرضات و الي اتقفل تاني سنة 1982 بسبب الازدحام و ضعف المبني بعدين تم بيعه لشخص و الي كان عايز يهدمه و يبني تمثال للمسيح لكن حصلتله شوية مشاكل و استسلم و باعه و حاليا ملاك المبني بيحاولوا اعادة ترميمه و تحويله لفندق ...

اقرا أيضاً : اغرب طرق العلاج في الماضي

الصورة الي في بداية المقال التقطها شخص اسمه توم هالستيد مصور محترف و مخرج أفلام متوفي اثناء استكشافه الطابق الثاني للمبني و الشبح الي في الصورة يظن انه لمريضه اسمها ماري لي و الي صورتها عالشمال ... و للعلم الصورة تم العثور عليها في نفس الطابق ....

• و صورة توم دي خدت جائزه من أفضل صور السنه و طبعا مش بياخد الجايزه الا الصور الحقيقيه.

لزيارة صفحة الكاتب علي فيس بوك أضغط هنا