-->
≡

قصة لغز وجود منظمات سرية خاصة بتتبع الفضائيين

النهاردة هكلمكم علي وجود منظمات سرية خاصة بتتبع الفضائيين او اي حد له علاقة بيهم ...
وطبعا اول ما نتكلم هيجي في دماغك فيلم " men in black" بس في الاخر بقولك ان كل خيال بيبقي مستوحي في الاصل من الواقع ...
ومشاهدات الناس دي أو تصادم الناس مع المنظمات دي بدأ من الخمسينات في الواقع حسب شهود عيان كتير المنظمات ده بتهتم بنوعين من الناس ...
النوع الأول ناس حصل و شافوا طبق طائر أو حاجة ليها علاقة بالفضائيين بالصدفة ..

النوع التاني ناس مختصة بالابحاث في الفضائيين و الاطباق الطائرة ...
و حسب وصف شهود العيان ليهم فالزيارات الي بتحصل من المنظمات دي .... الزياره بتبقي دايما من مجموعة من إتنين او تلاتة لابسين بدل و نضارات سودة و بيتكلموا بطريقة غريبة و ده الي بيخلي الناس تشك في هويتهم ....
و يهددوهم ان لو المعلومات الي معاهم طلعت للعوام هيحصلهم حجات مش كويسة ...
عالعموم خلينا نفترض لمجرد الافتراض انهم حقيقة ... 

طب هما ايه ؟؟ شغالين لمين ؟؟ بيعملوا كده ليه ؟؟

نحاول نجاوب الاسئلة ده ....
المنظمات ده ظهرت في اوقات كتير في الماضي بشكل غريب لدرجة ان الناس افتكروا انها منظمات دينية هدفها تخوف الناس من الفضائيين ... لكن الغريب ان في حوادث كتير اتذكرت فيها المنظمات ده و الي هقوله دلوقت مجرد احداث صغيرة منهم ...
أول حادث و الي يعتبر او ظهور علني ليهم سنة 1947 في جزيرة موري في امريكا لما راجل بلغ انه كان عالقارب بتاعه في البحيرة لما فجأة شاف في السما ست اجسام مضيئة و واحد منهم وقع في البحيرة و الي اتسبب في قتل كلبه و جرح ابنه و بعدين فجاة ظهر ناس لابيسن بدل سودة و معاهم طيارة جايين لموقع التحطم و خدوا كل حاجة او دليل هناك ...
الشاهد قال انه خد صور علشان يسجل الي حصل بس لما رجع البيت لقي كل الصور متضررة بالاشعاع و للاسف غير قابلة للمعالجة و تالفة ....
و قال كمان ان الاشخاص دول قربوا منه و قالوله ميقولش لاي حد علي الي حصل بس طبعا مسمعش كلامهم و القصة انتشرت بشكل كبير جدا ... علي رغم ان ده حادثة مشهورة المفترض ان المنظمات ده ظهرت فيها
بس المنظمات ده اتعرفت رسميا للعامة في حادثة تانية سنة 1953 ...
راجل اسمه البرت جاي بندر عمل منظمة صغيرة مختصة بالابحاث عن الاجسام الطائرة و الي نشرت تقارير كتير عن الاطباق الطائرة او ليها علاقة بيها بس فيوم في شهر اكتوبر سنة 1953 حيث انه اعلن انه هينشر تقرير كبير هيفسر فيه ماهية الاطباق الطائرة و ايه مصدرها و لكن غير مسموح ليه بنشره ...
بعد الاعلان ده البرت انهي المنظمة و منشرش اي حاجة بعدها .... و بعد كده بفتره البرت قال في مقابلة مع صحفيين انه تم زيارته من اتنين لابسين بدل سودة و هددوه انه مينشرش التقارير ده ...
لكن في ناس بتقول ان قصته مزيفة بسبب ان منظمته بدأت تخسر فلوسها بس بغض النظر هي حقيقة او مزيفة القصة حركت الرأي العام علي التفكير في المنظمات الحكومية السرية ...
حدث تاني حصل سنة 1976 دكتور هوربرت هوبكينز باحث و فيزيائي كبير و مهووس بالفضاء كان في بيته لما جاله اتصال في يوم و الشخص الي كان بيتصل قاله ان تبع منظمة مهتمة بالاطباق الطائرة و سئله لو عنده وقت يتكلم معاه في البحث بتاع الدكتور ....

طبقا لتقرير من راديو ان بي سي ... هوبكينز رد بالموافقة و مجرد مرور ثواني علي رده نفس الراجل الي كان عالتليفون كان قدام باب البيت بتاعه و طبقا لهوبكينز
" هو لو كان حتي قريب للنحية التانية الي في الشارع او حتي بيكلمني من كابينة جمب البيت مش هيوصل للباب مجرد ما افتحله نور الاوضة "
هوبكينز قال ان الراجل الي ظهر كان لابس بدلة سودة و اصلح و مفيش ملامح علي وشه و حتي شفايفه كانت شبه مش موجودة ....
الراجل الغريب بعدها قال لهوبكينز ياخد منه عملة كانت في ايده و بعدين قاله يرميها عالارض بعدها العملة بدأت تتحرك لوحدها شوية و اختفت كده بكل بساطة لكن ده مكنتش مجرد خدعة سحرية للتسلية لان بعدها الراجل امر هوبكينز انه يدمر كل ابحاثه عن الطباق الطائرة و الاجسام الغريبة و الا هيبقي في خطر و طبعا هوبكينز عمل الي اتامر بيه ...
أقرا أيضا : لغز إعادة الموتي للحياه
حادث تاني مشهور و المرة ده مع شخصية مشهورة الممثل دان اكرويد
في يناير 2002 اكرويد بدأ برنامج تليفيزيوني و الي بيتكلم عن الفضائيين و الغرائب و الاطباق الطائرة و كل ده و في يوم في راحة بين التصوير اكرويد طلع برا الاستوديو علشان يرتاح شوية لما شاف عربية سودا و راجلين لابسين بدل سودة و اقفين جمبه ... بص النحية التانية لمرة و بعدين اختفوا علشان بعدها بثواني يستقبل مكالمة ان برنامجه تم الغائه و ان مفيش اي حلقة هتتعرض ....

أخر حدث بقي ...
في يوم 24 مايو سنة 1964 ...
جيم تيمبلتون إطفائي من شمال انجلترا خد بنته و مراته علشان يتفسحوا في منطقة مراعي اسمها Solway Firth و خد شوية صور لبنته ...
و في الوسط الفسحه محصلش اي حاجه غريبه غير انهم حسوا ان الجو حواليهم فيه كهربا او مشابه لجو العواصف مع ان السما صافيه و حتي البقر الي كان هناك كان باين انهم حاسين بحاجه في الجو ...
عالعموم جيم خد الصور الي صورها و بعتها لكيميائي علشان يعالجها ...
و بعد ما عالجها و وهو بيكلم مستر جيم قاله ان الصور كانت هتبقي جميله خصوصا صورة بنته لولا الراجل الي وقف وراها ساعة التقاط الصوره ...
ساعتها مستر جيم استغرب لان مكنش في اي شخص هناك غيرهم ساعتها ...
مستر جيم بعد كده قرر يبعت الصوره لاخبراء خصوصا ان الصوره من كاميرا كوداك و محدش قدر يعرف هل ده خطأ في الكاميرا ولا لا ... فقرر مستر جيم يبعت الصوره للشرطه و الي اعتبروها مجرد خطأ و خلاص ...

لكن بعد كام اسبوع مستر جيم تمبلتون جاله زائرين غامضين ..
الزائرين كانوا عباره عن شخصين لابسين بدل سوده و راكبين سياره جاجوار صخمه بس الاغرب من هي تصرفاتهم ...
كانوا بينادوا بعض بالارقام و كمان خدوا مستر جيم معاهم لمكان الصوره و خلوه يوصف حالة الجو وقت الصوره بدقه و يوصف كمان تصرفات الحيوانات و الطيور لو لاحظها و بعدها اقنعوه انه خد مجرد صوره عاديه لشخص كان ماشي ورا بنته ساعة التقاط الصوره ... 
جيم مكنش رافض الفكره و جاوبهم بأدب لكن غضب بشده لانهم ركبوا سيارتهم و مشوا و سابوه في المكان و اضطر يمشي اميال علشان يرجع بيته ...
إذا تفتكر هما حقيقه ولا لا ! ...

جديد قسم : قصص الغاز

تعليقات: 0

إرسال تعليق