لغز إعادة الموتي للحياه ..
كان لغز شاغل أقوي الكيانات البشريه علي مر التاريخ .... و علي سبيل المثال السوفييت ...
السوفييت كانوا بيفكروا كتير في فكرة انهم يرجعوا الموتي ... و ازاي يقدروا يحيوا الاعضاء الي ماتت تاني .... في التقرير ده هحكيلكم تفاصيل اغرب تجربتين السوفييت عملوهم عالفكرة ده ....
نبداء سوا ..
اول تجربة كانت سنة 1940 علي اعادة احياء الاعضاء المعزولة و بعدين احياء جسم كامل .... التجربة كانت علي كلب و مكان التجربة كان في معهد العلاج الفسيولوجي و النفسي تحت اشراف الدكتور بريشنكو ...تفاصيل التجربة كانت عبارة عن ... اعادة احياء اعضاء ميتة معزولة لكلب والاعضاء كانت قلب و رئة و رأس ... التجربة كانت عبارة عن توصيل كل عضو بجهاز اسمو " اوتو جيكتور" .. الجهاز بيعمل دورة دموية صناعية و بيتوصل بكل عضو ... نتائج التجربة كانت مدهشة الصراحة .. كل من القلب و الرئة اشتغلوا بس اهم حاجة كانت الرأس
المثير للدهشة اكتر ان رأس الكلب اشتغل و رجع للحياة .. و الاكتر من كده انه كان "واعي" ... ردات فعل الرأس كانت شغالة كويسة جدا لكل من الصوت و الضوء و اللمس و الشم ... اكن الكلب حي بالظبط ...
الجزء الاول من الفيديو
الي حصل بقي
انهم فتحوا فتحة في الشريان الرئيسي في رقبة الكلب و صفوا دمه بالكامل في حاوية كبيرة ... و بعدين استنوا عشر دقايق ... كده الكلب ميت من عشر دقايق ....أقرا أيضاً : قصة سحر موقع ابو غراب الاثري
وصلوا الشريان و الوريد الرئيسي بتاعه بجهاز ال"اوتو جيكتور" و حطوا دمه بالجهاز و بالتالي الجهاز بيضخ دم الكلب تاني للقلب و الرئة و الدماغ و بيعمل دورة دموية صناعية .... النتائج كانت كويسة زي التجربة الاول و الكلب نبضه اشتغل تاني... و تنفسه رجع تاني طبيعي استنوا شوية و بعدين فصلوا جهاز ال"اوتوجيكتور" عن الكلب و وصلوا و وصلوا شرايينه تاني... الغريب ان الكلب فضل عايش بعد العملية ده بس مش بيتحرك و بعد كام يوم الكلب رجع لحركته الطبيعية تاني و قدر يعيش سنين بعد العملية بل انه يتناسل و يكون عيلة .... الموضوع مبهر جدا مش كده ؟؟؟
طبعا ده فيديو الجزء التاني من التجربة :
المرة ده قدر يخلي كلب حي بواسطة انه يوصله بالاعضاء الحيوية لكلب تاني .... طبعا جبتلكم فيديو لكلاب الزومبي بتاعة ديميكوف
الفيديو اهو :
نيجي بقي لتفاصيل التجربة ... ديميكوف حرفيا قطع كلب صغير نصين و وصله برقبة كلب كبير ... قدر يصنع عشرين كلب رأسين من النوعية ده
و برغم ان فترة حياة الكلاب كانت قصيرة بسبب الجهاز المناعي و رفضه للانسجة الغريبة ...
الا ان تجارب ديميكوف كان ليها صدي كبير وخصوصا علي الحكومة الامريكية ... الحكومة الامريكية بدأت مشروع مشابه ...
في يوم 14 مارس 1970 دكتور روبرت وايت قدر قطع راس قرد و قدر يرجعه للحياة عن طريق انه يوصله بجسم قرد تاني راسه مقطوعة ... القرد عاش... و عليه نظرة الكره لوايت ...
في مقابلة دكتور وايت مع البي بي سي قال : " فريقنا نجح انه يوصل دماغ حيوان بجسم حيوان تاني و الحيوان فضل عايش في حالة صحية لايام"
و علقت البي بي سي بعدها :" ان دكتور وايت بكلامه قصد ان القرد كان حي و واعي تماما و كان قادر عالرؤية و الشم و السمع و التذوق لان الاعصاب كانت في حالة اتصال مع المخ"
و رغم النجاح الكبير الي حققته تجربة دكتور وايت ... دكتور وايت بدأ رحلته للبحث عن متطوعين بشر .. لقي متطوع اسمه جريج فوتيفز لكن للاسف مقدرش يلاقي متطوع تاني ....
الغريب ان دكتور وايت و ابحاثه اختفت و رجعت للظلال و ده كانت اخر معلومات عنها ...
القصة بقلم محمد جمال فرانك لمتابعة الكاتب علي صفحته الشخصية أضغط هنا
تعليقات: 0
إرسال تعليق